Mart 2013-cü tarixindən etibarən “Business Group” Azərbaycanda sahibkarlığın inkişafı dövlət proqramına dəstək məqsədi ilə əlaqədar işgüzar dairələrdə (İqtisadiyyat və Sənaye Nazirliyi, ASK, EDF, ERC və s.) aparılan məsləhətləşmələr və dəyirmi masa iclasların nəticəsi olaraq Azərbaycanda françayzinqin dayanıqlı inkişafı və sahibkarlar arasında maraqlı və faydalı bir biznes model kimi təbliği üçün bir mərkəzin təsis edilməsi məqsədəuyğun hesab edildi. Avqust 2014-də  Azərbaycan Françayzinq Mərkəzi-AFC təsis edildi.

AFC dünyadakı françayzinqlə bağlı uğurlu təcrübəni Azərbaycanda tətbiqinə çalışmaqla yanaşı ölkə daxili uğurlu brendlərin beynəlxalq bazarlarda françayzinq biznes modeli ilə təmsil edilməsinə dəstək verir. Bununla yanaşı dünyaca məşhur brendlərin Azərbaycanda yerli sahibkarlarla işgüzar əlaqələr qurmaqla təmsil edilməsinə də dəstək göstərir. Həmçinin mərkəz investorlara və sahibkarlara yeni biznes konseptin qurulması və françayzinq biznes modeli ilə inkişaf etməsinə dəstək xidmətlərini təqdim edir.

Amalımız

Françayzinq biznes inkişaf modelin Azərbaycanda dayanıqlı inkişafını təmin edə bilmək, təməl əsasları təyin etmək və tətbiqinə çalışmaq, Azərbaycan müvafiq qanunvericilik bazasının təkmilləşdilməsinə, sahibkarlar və investorlar üçün cazib bir model kimi formalaşdırılmasına dəstək olmaqdır.